دنيا كذابه
تداوينا عشان تجرحنا
وتجرحنا يوم ننسى فرحتنا
تسعدنا لحضه,,, بعد ما تجف الدمعه
واذا نسينا احزان البارح .. ذكرتنا بكأبتنا
دنيا كذابه
تقول شوفوا غروب الشمس
وشوفوا كل شي انتهى
مافي شي بقى
واليوم صار بالامس
ترتوي من ضما قلوبنا
وترقص على همومنا
حقيقه دنيا كذابه
حتى الصدق فيها صار كذاب
حتى الوفى فيها خيانه
واحلامنا قبل نصحى ضيعتها
دنيا كذابه
دنيا تسيرنا على رغبتها
ورغبتنا ماجابت غير خيبتنا
دنيا تقسى ,, وقلوبنا تنسى
عشان نعيش ونبقى غصب ننسى
دنيا كذابه
ابتسامتها كابوس
وحنانها حض عاثر
حريتنا فيها ما تتعدى خواطر
نكتبها على اوراقنا
حتى اوراقنا
ترفض بعض مشاعرنا
واقلامنا تخجل من صراحتنا
بس هذي الدنيا نعيشها غصب عنا
ورحلتنا في يوم بتنتهي
ونترك لاحبابنا اوراقنا
تعلمهم كيف عشنا دنيتنا
دنيا كذابه والله دنيا كذابه
| 
